Artisti i Merituar Haxhi Dalipi

 " Vdekja e Artistit "

 Një lajm i zi e mizor,teksa po lexoja sot shtypin e përditshëm shqiptar,me rrëqethi gjithë trupin e me plagosi zemrën thelle.Miku im,Artisti i Merituar Haxhi Dalipi,ka vdekur ne Tirane,pas një sëmundje te rende e te pashërueshme.Nuk do ta besoja kurrë këtë lajm te paimagjinuar kurrë,por ja qe qenka e vërtete.

Ai s’është,nuk jeton me!...

Dhe para syve me doli portreti i tij,njohja e vjetër ne vite si edhe takimet e bisedat qe sa e sa here,kemi bere bashke,aty,ne Vlorën tone te çmuar e te paharruar.E mbaj mend,Haxhiun qysh kur erdhi nga studimet qe pat bere,aty nga fundi i viteve '60 ne Institutin e Arteve ne Tirane. Një djalë me trup te gjate,elegant,i pashëm,me flokët me onde qe i binin mbi balle.Ishte një nga te rinjtë artiste te Vlorës,te cilët me pas do te bënin emër,ne art e ne kulture. Por,ja,jeta paska një fillim e po ashtu një fund e ne,qe njohëm njerëz e miq te tille si ai,artiste e shpirtra te mëdhenj si ai,duhet tani te pimë "kupën e helmit"për ikjen e tyre qe s'ka kthim kurrë ...

Sa here bisedonim,sa here e kisha intervistuar,sa here kisha filmuar siluetën e tij dinamike prej artisti,mes projektorëve e skenave te Vlorës.Njeri pasionant,me një dashuri te pakufishme për artin: kompozitor,dirigjent,drejtues artistik,muzikolog,etnolog dhe njeri me zemër te pastër llamburitëse e plot drite,ai ishte një nga njerëzit dhe artistet me te nderuar ne Vlore.

Te gjithë e thërrisnin: Profesor !...

Me vjen tani ne mend e para syve,puna e tij kembengulese për ngritjen e ansamblit folklorik "Labëria", turnetë e bëra brenda e jashtë shtetit,xhirimet e mia për to ne Turqi,kujdesi dhe pasioni i tij për këngën labe e himarjote,miqësia e tij e rralle me poete e këngëtare si Hiqmet Meçaj,Lefter Cipa,Dhimiter Varfi,Anita Bitri,Aurela Gaçe e shume te tjerë te cilët ai i kish ndihmuar e përgatitur te dilnin ne skene. Pastaj,ikja e tij ne Tirane,pas vitit te lig '97,drejtimi dhe rizgjimi qe ai i beri Ansamblit Kombëtar te Këngëve dhe Valleve ...

Një lajm i kobshëm,me vjen nga Shqipëria e me bën te ditur se,një ngjarje e rende ka ndodhur.Miku im dhe artisti i njohur vlonjat,Artisti i Merituar,Haxhi Dalipi është shuar përgjithmonë. Dhe,ka lenë amanet qe trupin e tij ta çojnë,për pushimin e tij te përjetshëm,ne Vlore.Për te qene përjetësisht aty,ne token dhe ajrin e saj,përballë ullinjve,kalasë se Kaninës,Shashicës,Sazanit,Karaburunit dhe detit.Atij deti te bukur qe e pat frymëzuar atë e artiste te tjerë vlonjate, për tu bere te veçante e te dalluar, nga gjithë te tjerët ...

Lamtumire,mik im i dashur,Haxhi !

Te qofte i lehte,shplodhes dhe i ngrohte,dheu i Vlorës sonë te dashur !

Aty,ku do te mbetesh përjetësisht,i nderuar !

Simbad Detari

( Vasil Qesari )